配樂
看過日本便利店飲品櫃都知道，飲品牌子和種類係驚人的多，單單係珈琲已經有牛奶珈琲，微糖，無糖，培煎，早上專用，高級，限定等等，而日本的電視台每小時只有約十分鐘廣告時間，在激烈的產品競爭和短促的播放時間為前題下，30秒廣告係非常奢侈的事，因此通常製作15秒為主。而不知道為什麼播放廣告時，電視台總會有意無意把同類產品的廣告放在同一時段播放，
例如Asahi 啤酒下一個是Kirin 啤酒，接著是Suntory 啤酒，有時我諗人們會唔會稍一不慎就誤會左上戶彩飲Asahi Super Dry呢？係唔會的。在日本廣告裡，配樂係一個重要的角色，每個廣告總會有一首長年使用的配樂，即使住係橫濱的上野先生因為要幫老婆洗碗而錯失看電視的機會，醒目的廣告配樂也可以提醒他係時候學福山雅治咁豪氣地飲Asahi Super Dry。
流程
要用15秒去以一個（有趣）故事去介紹新產品，有時可憐的還要撥出尾段3﹣5秒講有大抽獎，所以日式飲品類通常都係依種手法宣傳。
一開始／尾段出現牌子名，或者飲品罐的動畫，要比觀眾知道依家係咩野牌子的廣告；
接著由配樂帶入故事，靚靚女星／英俊小生演繹故事，但由於時間不多，通常都係跳下舞或者做些騎呢手勢動作，當中加插一兩句對白；
接著會插播產品資料，珈琲廣告會播放炒珈琲豆，啤酒廣告會播放啤酒滿瀉，炭酸飲品會播放有汽泡泡流動，茶類廣告就會播放加了冰的茶在杯中轉；（唔知點解每次睇依一部分，真係想即刻買黎飲）
最後近鏡頭拍下明星大口喝下飲品，啤酒同珈琲廣告通常會加一聲喉嚨咕嚕聲，然後
“呀～”大嗌一聲代表解渴；
 |
（炭酸飲料）Suntory : 佐佐木希 （茶）伊藤園 Tea's Tea ：水川麻美 |
固力果的美人計
雪糕對於女生來說係魔鬼，又誘惑又邪惡，之前看電視節目介紹00年代的固力果怎樣去克服依個難題。要向年青人特別係女性去推廣令人著迷但帶來無窮罪咎感的雪糕呢？苦思冥想後終於用了一個在方法，就係近鏡頭拍下靚靚女星輕輕鬆鬆，野獸般咬雪糕的畫面，觀眾對於靚靚女星本來就沒有免疫力，看見有如天仙的她們都那樣放肆地吞噬甜筒，觀眾會難免抵受不住誘惑，自己來買一個試，結果固力果的雪糕銷售量因這個策略而大幅上升。
 |
| （左：Palitte的北川景子／中：Giant Cone的綾瀨遙／右：牧場風味：常盤貴子） |
Giant Cone：綾瀨遙
很羨慕日本有咁多種類的食品飲品選擇，同時間亦可以收看到咁多關於食品飲品的廣告，正因為競爭激烈，商家都不敢怠慢：華麗畫面，盡可能有趣或者有深度的故事，廣為人知的明星，深刻的主題去宣傳產品，如果他們知道鄰近地區有間公司叫旺旺，佢地有隻罐裝牛奶叫O泡奶，成段片有兩姊弟用吵耳的聲線來重覆產品名“O泡奶”，廣告冇內容同美感可言，但吹唔脹的事實係旺旺是一間佔有率很高的公司，當Suntory, Asahi, Kirin諗爆頭點樣推廣時，人家輕輕一筆就賣個盤滿砵滿，他們有何感想。順帶一提，無意間找到了有趣的東西。
 |
| （左邊係旺旺集團珈琲，右邊係Suntory珈琲） |
006-61111SU
No comments :
Post a Comment
_